Valentine day प्रेम व्यक्त करण्याचा दिवस
मनातल्या भावनांना शब्द रूप देण्याचा दिवस
Valentine day च्या निमित्ताने प्रेयसीने आपल्या प्रियकराला लिहीलेल्या चारोळ्या...
1)
एकमेकांच्या भावनांमध्ये
गुंतून गेलो हे जाणवले नाही
भांडण,राग व रूसणे यातही
प्रेम असते हे ही कळले नाही
2)
मला जे वाटत होतं
तेचं तुलाही वाटत असावं
पण आपल्या दोघांनाही ते
ओठांवर आणायचं नसावं
3)
तुझं हसणं,बोलणं
मनाला भारावून जातं
आणि तू जवळ नसल्यावर
मन तुझ्या आठवणीत रमतं
4)
तुला भेटण्याची मनाला
नेहमीच ओढ असते
आणि तुला भेटल्यावर
मी स्वतःलाचं विसरते
5)
तुझ्याविषयी मला असं
वेगळं काय वाटतं
हे स्वतः ला विचारायला
माझं मनही बावरतं
6)
तुझी आठवण येताच
कंठ दाटून येतो
क्षणभर, तू येण्याचाचं
मला भास होतो
7)
प्रेम काय असतं
हे तुझ्यामुळे कळलं
भाग्यवान समजते स्वतः ला
तुझं प्रेम जे मला मिळालं
8)
तुझ्यामुळे , तुझ्या प्रेमामुळे
मी सदैव राहते happy
फक्त एकचं दिवस का ?
रोजचं असावा valentine day
नलिनी बहाळकर
कोणत्याही टिप्पण्या नाहीत:
टिप्पणी पोस्ट करा
काही शंका असल्यास , जरूर कळवा.